Í reikningsléni var lénið veitt gegn föstum launum og árlega gerður reikningur yfir vissar tekjur og óvissar, samkvæmt veitingarbréfinu. Reikningunum var skilað árlega í rentukammer til endurskoðunar.
Ísland var reikningslén frá 1553–1574, 1582–1586, 1587–1588 og 1645–1648.
Reikningarnir eru varðveittir frá 1645–1648 og útdrættir úr reikningum frá 1566–1570. Útdrættirnir eru varðveittir í Ríkisskjalasafninu í Kaupmannahöfn.
Sjá einnig: afgjaldslén og þjónustulén.
Heimild
Kristjana Kristinsdóttir, Lénið Ísland. Valdsmenn á Bessastöðum og skjalasafn þeirra á 16. og 17. öld. Reykjavík 2021, bls. 15–17.