Hreppur, hreppsfélag. (Sjá Framfærslumál og sveitfesti í Orðabelg Þjóðskjalasafns Íslands.)
á sveit: Þeir, sem nutu framfærslu hreppsins og var komið fyrir á heimilum tíundarskyldra bænda í hreppnum.
fara á sveitina = fara á framfæri hreppsins, fara á opinbert framfæri.
fara á sína sveit = fara heim í þann hrepp, sem maðurinn átti sveitfesti og vera þar á framfæri.
lagt af sveit = fólk, sem gat að einhverju leyti framfært sig sjálft eða notið styrks ættingja en fékk einnig einhvern framfærslustyrk hjá hreppnum.
liggja við sveit = vera næstum því sveitarómagi.
segja einhvern til sveitar = setja einhvern á sveitarframfæri.
segja sig til sveitar = verða að leita á náðir framfærsluhrepps.
vinna sér sveit = ávinna sér sveitarstyrk í tilteknum hreppi.
þiggja af sveit = lifa á sveitarstyrk.