Kúrantmyntfótur var tekinn upp í Danmörku árið 1692 og næstu áratugi voru áttskildingar mikið slegnir. Kúrantmyntin var ríkjandi á 18. öld, m.a. vegna sláttu á 24 skildingum eða ortsdölum/ríkisortum. Seðlaútgáfa kúrantbankans, sem stofnaður var 1736, hófst árið 1737 og kallaðist kúrantseðlar (danska: daler kurant). Hlutfallið milli dals í seðlum annars vegar frá kúrantbankaum og hins vegar Den Dansk-Norske Speciesbank, sem varð til 1791, var yfirleitt 5:4 á árunum 1791–1807. Verðbólgan í stríði Dana við Englendinga á árunum 1807–1814 varð til þess, að kúrantmyntin kolféll við hrun Spesíubankans árið 1813. Sama ár var hætt við kúrantmyntfótinn og Rigsbanken varð til.1 https://denstoredanske.lex.dk/kurant; https://denstoredanske.lex.dk/bankvæsen_-_dansk_bankvæsen.
Sjá nánar í Mál og vog.
Tilvísanir