Landastefnur

Innheimtur landskulda og bygging og útbygging landseta í jarðaumboðum Hólastóls. Björn Gottskálksson (1765–1852, um tíma eigandi Hrappseyjar-/Leirárgarðaprentsmiðju) var á árunum 1789–1792 umboðsmaður Sigurðar Stefánssonar yfir jarðaumboðum Hólastóls og hélt landastefnur, eða eins og segir í æviágripi Björns:

Á sumrum var hann með biskupi, er hann fór í visitazíu, en haust og vor hélt hann landastefnur í nálægustu umboðunum (á landastefnum á vorin voru teknar landskuldir, en á haustin byggt út og inn landsetum á stólsjörðunum).¹„Æfiágrip Björns dbrm. Gottskálkssonar“, Blanda. Fróðleikur gamall og nýr I. Reykjavík 1918–1920, bls. 140.