skeppa / skeffa (danska: skæppe)

— rúmmál. Sem rúmmálseining aðallega notuð við mælingu á korni. Árið 1683 var ákveðið, að kornskeppa væri 1/8 úr tunnu, þar af leiðandi 18 pottar, sem svaraði til 17,39 lítra.¹Poul Thestrup, Pund og alen, bls. 30. Jón Guðmundsson sagði árið 1841 kornskeffu (skeppu) vera 4 fjórðungsker eða 18 potta eða 36 merkur mældar og kornskeppuna almennt vera 44 merkur að vigt.²Jón Guðmundsson, Reikningslist einkum handa leikmönnum, bls 76. Sjá nánar í Mál og vog.