Sjóðbækur

Heitið sjóðbækur eða kassabækur kemur stundum fyrir í skjalasöfnum prófasta. Er það 20. aldar fyrirbæri, tengt lögum um föst laun presta nr. 46/1907 og lögum um sóknargjöld nr. 40/1910. (Sjá umfjöllun um Tekjur kirkna og presta). Þessar bækur eru mismunandi gerðar. Má í því sambandi benda á kassabók úr Mýraprófastsdæmi.¹ÞÍ. Kirknasafn. Mýraprófastsdæmi L/1. Viðskiptamanna- og sjóðbók 1911–1942. Í upphafi kemur þar yfirlit um laun presta og hvernig þau greiðast. Einnig má sjá þær greiðslur, sem fara um hendur prófasts. Síðast sjást þar aðeins greiðslur prestsgjalda (sóknargjalda), sem runnu í Prestslaunasjóð í vörslu ríkisféhirðis. Aðrar sjóðbækur hafa sambærilega þætti, þó ekki alla.

Þá eru einnig til sjóðbækur sóknarnefnda. (Sjá umfjöllun um Sóknarnefndir, safnaðarfundir, héraðsfundir).