Lausamannsgjald

Lausamenn skyldu gjalda 24 skildinga árlega til kirkju samkvæmt konungsbréfi frá 17. júlí 1782 um tekjur presta og kirkna, sem birt var á alþingi árið eftir.¹Alþingisbækur Íslands XVI, bls. 140 (13. grein). Í lögum nr. 16/1900, 3. apríl (6. grein), var boðið, að lausamenn og lausakonur skyldu gjalda til kirkju 50 aura á ári.²Stjórnartíðindi 1900 A, bls. 88–89 (6. grein). Ákvæðið var aftekið með lögum um sóknargjöld 40/1909, 30. júlí. Í staðinn kom gjald (kirkjugjald), sem lagt var á alla sóknarmenn, 15 ára og eldri, og skyldi það standa undir rekstri kirknanna, en heimild var fyrir álagningu aukagjalds.³Stjórnartíðindi 1909 A, bls. 202–203 (1. grein).